بلوچی لبز یا ھندی ءُ سنسکرت لبز

بسم اللہ

شاعری چی ےءُ چیہ کن اَنت؟
شاعری مارشت ءُ جزبگانی آدینک اِنت شاعری ءِ وستہ منصوبہ یا پلاننگءِ زلورت بالکل نہ بیت بلکیں خیالاں کاگدءِ سرا آرگءَ ترا یک وجدانی زورے بے   وس کنت گڑا تو
لبزانی ڈولداریءَ وتی تہا شوھاز کنے ءُ ھمے زیبداریں لبزانی درءَتو وتی مارشتاں درشان کنے
بلے دومی طبقہ گُشیت کہ شاعری سراسر عقل ءُ زانش اِنت اَیشانی تہا  میۓ واجھیں شاعر بشیر بیدارءِ ھم ھمے لیکہ اِنت
ھمے رنگءَ منی ھم خیال ھنچوش اِنت کہ اِنسانی پگرءِ آبادیں جنگلءَ دردءِ درمان شوھاز کنگے نام اِنت َ۔
ھما درمان کہ دل زیمیں ریشانی درمان ءُدواءِ کار بدینت
یا شاعری ھما اِنت کہ انسانی پگرءِ دریاءَ چیں مُروارید شوھاز کنگے نام اِنت ھما کہ زمانگے جھل ءُ بُرزیاں برابر کنگے وستہ مال ءُ مڈیءِ کار بدینت
چوناھیءَ ما وتی جزبگ ءُ مارشتاں ءُ خیالاں درشان کنیں بلے آ اِنچو اثر نہ دار اَنت ۔ بلے شاعریءِ تہا ھمے مارشتءُ جذبگ دیگے محکمیں اثرے داراَنت
ما اِے چز زانت کہ پُراَثریں طرزیءَ بیان کنگ شاعری گُشگ بیت ۔ گُڑا ھمے وڑا ما شاعریءَ را دو2 درجگاں بھرءُبانگ کت۔ بزاں وجدانی ءُ پگری
اِے دوئیں2 نانی وستہ رد ءُبندے اِزم اَلمی انت ءُ پگر کامل بووگ ھم زلوری انت پگرءِ کامل کنگے وستہ علم زلوری انت بلے زلوری نہ انت کہ اے علم اسکول ءُ مدرسہانی تہا بہ رسیت اِے دنیا ءُ ماحولءِ سرا پگر مستریں زانگ ءُ علم اِنت۔ بلے ادابءِ تہا ایوکا لبزانی ردءُ بندءَ را آورد گُش اَنت ءُ دومی الھامی شاعری گُش یا آمد گُش اَنت ۔
At the spotدومی گپ ایش اِنت کہ باز مردم شاعریءَ را یک بیکاریں چزے لیکیت ۔  اصلءَ شاعرءِ کار موقعءِ سرا
گندگ نہ بیت ھمے سبب اِنت کہ باز مردم گُشنت کہ شاعری معاشرہءِ لنگیں پاد اَنت
بلے آ رد گُش اَنت ۔
اِے شاعر ھما اَنت کہ یک راج ءُ ملک ءُ نظامی ءِ بِنداتی خیالءَ پدر کنوک اَنت ۔ اَے شاعر سیاستدان نہ اَنت اے شاعر راجءِ شریءِ یا بدیءِ خیال پیش کنوک اَنت۔ پدا ھمے خیالءَ سیاستدان دیما بر اَنت بزاں شاعرءِ خیالءِ سرا کار کن اَنت۔
ھنچو کہ شما زانے گوستیں 5پنچ قرناں جرمنی ءَ را فلسفہ ءُ زانتکاریءِ مُلک گُش اَنت پرچی ؟ پرچی کہ جرمنی ءَ  کانٹ

پیداگ بیتگ کانٹ یک فلوسفرے یک شاعرے بوتگ۔ جرمنیءَ گوٹیے ودی بوتگ اے یک شاعرے بوتگ۔
انگریزاں شیکسپیرءِ سرا فخر اِنت ءُ اَنگریز شیکسپیرءِ شعراں وتی کامیابیءِ بِندات منن اَنت۔ تُرکیءَ توفیق فکرت پیداگ بوتہ۔
ایرانءَ حافِظ شیراز ءُ سعدیءَ وتی راجءَ را زانشءُ زانت بخشتگ ءُ عمر خیامءِ شعراں آ اِلھام گُشنت
ءُ ھنچو بلوچ ھم بزانت کہ عطا شاد بلوچ قومءَ را کوھسار گُشیت۔ کوھساروں کی عطا رسم نہیں خاموشی۔ شُما زانے کہ سیدظہورءِ حانُل کیے اِنت ؟
پرچہ اِیرجیگے حانُلءِ نامءَ
اگاں ھورت بچارے سیدظہورءِ حانُل بلوچی جند اِنت۔ سیدظہورءَ وتی زند پہ بلوچیءَ ندْرکُتگ
اِے مُبارک قاضیءِ بَرکھیرءُاِے کوہِ مراد اِے چی اَنت شما زانے؟
اِے وطن اِنت برے برے سرگوزیت ءُ اِیشاں اِیمان گُشیت۔
اِے بشیربیدارءِ زیب     کۓ اِنت اے ھما وطن دوستیں وطن اِنت۔
گریتگ لُنٹاںءُ کندِتگ چماں
اِے وڑا زیبءِ ما کُتگ دیدار
نی ما سرپد بوتیں کہ اِے شاعر تھنا وتی دوستءَ نہ ساڑاینت بلکیں وطن دوستیءِ خبرءَ ھم کن اَنت وطن دوستیءِ سوجءَ ھوں دینت یک رھبندے ھم پیش دار اَنت۔
منی گڈی گپ واجہ بشیر بیدارءِ اِے شعر اِنت

منءَ بل کہ من ھمیشاں
بلے ھر کسءَچیں گیشاں
وتءَ چیر مدۓ نقاباں
منی گیش مکن عذاباں
دمے دوستءِ دیدءَملا
منی کم مکن ثواباں
ترا گاھے من وطن گُشت
وتی رزق ءُ من نگن گُشت
تی شارءَ ململیںءَ
وتی گورءِ من کفن گُشت

اگاں ردیءِ یا بداخلاقیءِگندے گڑا الم منا بگشیت

یحٰی موسٰی

Language Research

Baask ' Language Research « on: August 01, 2010, 09:16:37 AM »

Quote

---

ماتی زبانءِ وانگءُ زانگءِ بابتءَ بازیں نبشتانک است اَنت بلے ما آ نوشتانکاں فقط وانیں بلے پٹ ءُ پول نہ کنیں ءُ ماتی زبانءِ مانگشیتگیں جیڑہءَ حل کنگءِ ھچ جھد نہ کنیں من یک اَنچیں راھے درگیجگءِ جھدءَ یاں کہ آ بلوچی نویسگءِ 50درصد جیڑھاں انشااللہ گشّنیت اِنت
بلے اِیشیءَ چیں پیش من وتی کُرتگیں کاراں دیمءَ بیاراں “ من لوٹاں کہ شما ھم اِدا وتی خیالاں پیش بکنت ءُ تپاکءُ ناتپاکیءِ وتی گپءَ بجنت یک جیڑہےءِ سرپد کنائنگءِ وستہ شما “ھندی “ فارسی “بلوچی “عربی“انگلش “ اُردو“ زبان کاربست کنے
ءُ من وتی کُرتگیں ریسرچ پٹءُ پولءَ  رندءَ دیمءَ کاراں

بلوچیءِ لہتے جیڑہ اِیش اَنت
1:عربی آب “حرفانی “ ث “ ح “ خ “ ذ “ ص “ ض “ ط “ ط“ ع“ غ “ ف“ ق “  زیرگءِ “ سیدظہور شاہ ہشمیءِ تُرس ءُ اِیشیءِ حل
2: بلوچی لبز یا فارسی لبز بلوچی ءُ بلوچیءِ پراہ ءُ شاھگانی
3: بلوچی تہا “ھندی “سنسکرت “ پنجابی سندھی “ عربی “ لبز کجام اَنت
4 : ءَ “  ءِ “ کاربندگ کجا بہ بیت ءُ کجا مہ بیت
5 : بلوچی نویسگءِ کُھنیں تھر یا فارسی تھر
6 : واجہ اکبر بارکرزئیءِ بلوچی نویسگءِ تھر
7 : ءَ “ ءِ “ کاربندگءَ  ا “ ی “ ے گار بوگےءِ ترس
8 : بلوچیءِ تہا بے مولءُ مراد “ الف “ کاربندگ
 9 :  لہتے بلوچی لبزانی نویسگءِ دیگے تھر ءُ گوشگءِ دیگے تھر ءُ اے لبزانی رد نویسگءُ گْشگ بزاں اے عام لسّیں لبز اں ھم ھر کس وتی تھرءَ نویسگ
 10 :عربیءِ بدل بیتگیں لبز کُجام اَنت ءُ ما آہاں پجّا نیاریں کہ کجام اَنت
 11 : سید ظہورءِ اسکرپٹءِ ناکامی چی اِنتءُ خرابی چی اِنت پرچیہ مئے باز زانتکار نہ منّ اَنت
12 : رومن اسکرپٹءُ بلوچیءِ نویسگءِ تاوانءُ فائدہ چی اَنت
13 : عربی رسم اُلخط “ءِ زیرگءُ پدا عربی لبزانی پرُوشگ ظُلم یا بلوچیءِ دیمروی ؟
14 : عقیدہ پرستی بلوچیءِ دیمءَ نروگءِ سبب یا بلوچیءِ مُھریءُ محکمی ؟
15 : سید ظہورشاہ ہاشمیءِزبانءِ دیمرویءِ بندات کنگءَ مئے پدا ھمے بنداتی پٹءُ پولءِ سرا بروسہ کنگ ءُ دیمءَ شوہاز نہ کنگ
16 : بلوچیءِ تہا دری لبزانی مٹّءِ درگیجگ یا دری لبزاں بدل کنگ
17 : بلوچیءِ دیگے باز لبز دُزّدروازگءَ پیداک اِنت آ کُجام اَنت ءُ انوں اے دری لبز بلوچی گُشگ بنت
18 : ماتی زبانءِ نہ وانگءِ تاوان ءُ اِیشیءِ ارزانیں پسوّ
19 : بلوچیءِ تہا ڈناّ چیں اتکگیں دری لبز کُجام اَنت
20 : چنچو ڈنیّ لبز   “ ث  “ ح خ ذ ص ض ط ظ  ع غ ف ق  “ شروع بنت اِے لبزانی بلوچیءِ تہا بدل


 

منی اسکول “ اے مئے اسکول بوتگ

بلوچی مئے وتی شھدیں زبان اِنت